Con esta entrada, que actualizamos dun Programa anterior, retomamos o Blogue do Programa.
Tentaremos publicar temas que vos podan ser de interese relativos á procura de emprego, homologacións, formación, prácticas...e calquera outro que vos facilite información que poda ser de utilidade.
Nesta entrada tentaremos explicar de xeito claro qué son os Certificados de Profesionalidade, requisitos para acceder a eles, niveis, etc.
Os Certificados de Profesionalidade. Qué son?
Tentaremos publicar temas que vos podan ser de interese relativos á procura de emprego, homologacións, formación, prácticas...e calquera outro que vos facilite información que poda ser de utilidade.
Nesta entrada tentaremos explicar de xeito claro qué son os Certificados de Profesionalidade, requisitos para acceder a eles, niveis, etc.
Os Certificados de Profesionalidade. Qué son?
Os Certificados de Profesionalidade son un "instrumento de acreditación oficial para as cualificacións profesionais". Qué quere dicir isto? significa que acredita a un traballador/a nunha cualificación profesional do Catálogo Nacional das Cualificacións Profesionais. Este catálogo "ordena as cualificacións profesionais susceptibles de recoñecemento e acreditación, identificadas no sistema produtivo en función das competencias apropiadas para o exercicio profesional. Comprende as cualificacións profesionais máis significativas do sistema produtivo español, organizadas en familias profesionais e niveis.".
É dicir: o certificado de profesionalidade homologa a un traballador na realización das tarefas propias dunha profesión e cun nivel de especialización determinado.
Está dividido en 26 Familias Profesionais, que recollen as actividades profesionais máis representativas do sistema produtivo español, según criterios de afinidade coas ocupacións e postos de traballo detectados.
Dentro das Familias Profesionais hai 5 niveis de cualificación "dacordo ao grao de coñecemento, iniciativa, autonomía e responsabilidade preciso para realizar dita actividade laboral". Os niveis 1, 2 e 3 son os habituais, quedando os niveis 4 e 5 para actividades complexas, que esixen un alto grao de autonomía e responsabilidade, así como capacidade de dirección e xestión, organización e innovación.
Requisitos para acceder aos Certificados de Profesionalidade
Para poder cursar un certificado de profesionalidade hai que cumprir os requisitos de formación mínima necesaria, en función do nivel do certificado ao que se quere acceder, excepto no caso dos de Nivel 1, que non requiren ningunha titulación mínima.
Ditos requisitos serían os seguintes:
- Para nivel 2 ESO ou titulacións equivalentes
Para nivel 3 Bacharelato ou titulacións equivalentes
Para nivel 1 Non hai requisitos
Podedes consultalos de xeito máis detallado no seguinte enlace.
Se non se cumplen os requisitos, existe a opción de acceder a través das probas de "Competencias clave", que convoca a Xunta de Galicia.
O pasado 26/02/20 remitimos un correo electrónico con toda a información do proceso deste ano. Como todos os procesos en marcha, os prazos e desenvolvemento dos mesmos están paralizados e condicionados pola evolución da situación de crise sanitaria actual, como podedes comprobar si accededes ao enlace.
O pasado 26/02/20 remitimos un correo electrónico con toda a información do proceso deste ano. Como todos os procesos en marcha, os prazos e desenvolvemento dos mesmos están paralizados e condicionados pola evolución da situación de crise sanitaria actual, como podedes comprobar si accededes ao enlace.
Convócanse normalmente unha vez ao ano, tanto para Nivel 2 como para Nivel 3. Constan de probas de avaliación nas materias de Lingua Castelá, Lingua Galega e Matemáticas. Tamén hai a de Lingua Estranxeira, para aquelas persoas interesadas en cursar un certificado que teña o módulo correspondente.
Estrutura dos Certificados de Profesionalidade
Un Certificado de Profesionalidade divídese en Unidades de Competencia, que desenvolven os seus contidos en Módulos Formativos. Cada Módulo Formativo, dívídese á súa vez en Unidades Formativas. Cada Unidade Formativa ten unha duración e uns contidos determinados. O conxunto de contidos das Unidades Formativas que compoñen un Módulo, forman os contidos do Módulo Formativo. E a suma do número de horas de duración das Unidades Formativas dun Módulo, será a duración total do Módulo.
Unha característica fundamental dos Certificados de Profesionalidade é que pode acadarse a súa acreditación a través de diferentes vías e en diferentes momentos. Qué quere dicir isto? Pois por exemplo: nun certificado composto de 2 módulos, como no esquema anterior, pódese obter a acreditación do Módulo Formativo 1 (Unidade de Competencia 1) realizando o curso correspondente no ano 2020 nunha entidade homologada.
Unha característica fundamental dos Certificados de Profesionalidade é que pode acadarse a súa acreditación a través de diferentes vías e en diferentes momentos. Qué quere dicir isto? Pois por exemplo: nun certificado composto de 2 módulos, como no esquema anterior, pódese obter a acreditación do Módulo Formativo 1 (Unidade de Competencia 1) realizando o curso correspondente no ano 2020 nunha entidade homologada.
E realizar o Módulo Formativo 2 (Unidade de Competencia 2) un ano despois e noutra entidade homologada diferente.
Unha vez completemos os módulos que compoñen o Certificado, poderemos solicitar á Administración correspondente que nos expida o título oficial.
Outras vías para obter os Certificados de Profesionalidade: a Acreditación das Competencias Profesionais
Ademáis de poder obter unha homologación nun Certificado de Profesionalidade, a través da realización do curso ou cursos correspondentes, tamén existe outra vía, que é a de a "acreditación das competencias profesionais", da que publicaremos unha entrada no blogue con toda a información relativa a dito proceso.
